Индустријата за метални производи
"Братство Инокс" Охрид се вбројува во редот на најреномираните компании за изработка на садови за домаќинство и прибор за јадење во Југоисточна Европа.

Почетоците на фабриката се во 1949 година, по што следат години на раст и развој подимето "Братство" Охрид. Денес тоа е компанија која на пазарот настапува под трговско име "Братство Инокс" Охрид, со нова, трансформирана, приватна структура на капиталот.

Процесот на продукција во
"Братство Инокс" го чинат 90 вработени и простор за производство од 4000 м2.Стратешка определба на компанијата е софистицираност и долготрајност на нејзините производи, за што е усвоен стандардот на Британскиот институт (BSI), ISO 9001:1994.

Производите на "Братство Инокс" се изработуваат од висококвалитетни репроматеријали од западноевропско потекло.

Производите за чување и транспорт на храна овозможуваат задржување на саканата температура на храната и до 24 часа. Зафатнината на садовите се движи од 1 до 70 литри.

Заштедата на топлотната енергија при готвењето е (1:3), лесното одржување како и вечноста на ростфрајот, ги прави овие производи практични и посакувани.